დიახ, საქართველო იქნება ერთ-ერთი პირველი ევროპის რეგიონის 4 ქვეყნიდან, რომელიც კოვაქსის მეშვეობით მომდევნო რამდენიმე კვირაში ფაიზერი/ბიონტეკის ვაქცინის ლიმიტირებულ მოცულობას მიიღებს, – ამის შესახებ „ქრონიკას“ ჯანმოს მრჩეველმა იმუნიზაციის საკითხებში სიდჰარტა სანკარ დატამ განაცხადა.
„ჩვენ ველოდებით კონკრეტული თარიღის გამოცხადებას, რომელსაც თქვენ მოუთმენლად ელოდებით. ძალიან მნიშვნელოვანია რამდენიმე ელემენტი, რაც ქვეყანაში ვაქცინაციის დაწყებამდე მზად უნდა იყოს. პირველი ნაბიჯია ქვეყნის მომზადება მიიღოს COVID19-ის საწინააღმდეგო ვაქცინა. ეს უკავშირდება ვაქცინის მიღების პროცესთან დაკავშირებულ ყველა საკითხს, ვაქცინის უსაფრთხოების მონიტორინგს და მონაცემების მენეჯმენტს“, – განაცხადა სიდჰარტა სანკარ დატამ.
მისი თქმით, ეს კრიტიკული ელემენტებია, რომლებიც იმუნიზაციის საკითხებში დამოუკიდებელმა ექსპერტებმა შეადგინეს. „მეორეა, მომზადების ფაზა. ჯანდაცვის მსოფლიო ორგანიზაცია ამოწმებს ქვეყნების მზადყოფნას ახლა , როდესაც ჩვენ ვსაუბრობთ. ეს ეხება მზადყოფნას ვაქცინის მისაღებად, მისი ადმინისტრირების დასაწყებად და მონიტორინგის განსახორციელებლად უსაფრთხოდ და ეფექტიანად. ეს არის უაღრესად მნიშვნელოვანი ნაწილი ვაქცინააციისთვის, რომელსაც თქვენ ელოდებით. ვაქცინის მიღება არის ერთი ნაწილი. მომზადება და მზაობა არის ორივე კრიტიკული მნიშვნელობას ატარებს ვაქცინაციისთვის როგორც საქართველოში, ასევე რეგიონის დანარჩენ სამ ქვეყანაში“, – აღნიშნა სიდჰარტა სანკარ დატამ.