მეუფე გრიგოლ კაცია ჭყონდიდის ეპარქიის მრევლს გამოემშვიდობა და წირვა აღავლინა. მან ეპარქიის ახალ მიტროპოლუტს მეუფე სტეფანეს საქმიანობაში წარმატებები უსურვა. მისი თქმით ეპარქიაში გადაბარების ეტაპი დაწყებულია და საკადრო ვვლილებები არ იგეგმება.
მისი თქმით, დღეს ეპარქიაში კრიზისია და ასეთი დაზიანებული ეპარქია როგორც ფიზიკურად, სულიერად და ფსიქიკურად, არსად უნახავს“.
„2019 წელს, სინოდის გადაწყვეტილებით ჩამოვედი. სამწუხაროდ, დამხვდა სიტუაცია, რომ ეპარქიის მღვდელმთავრებისა და მრევლის ნაწილმა ვერ მიმიღო. სამწუხაროა, რომ ამ ეპარქიაში არის აგრესია და სიძულვილი. ის ბერები და მღვდელმსახურები ვინც ერთად გაიზარდა და მოღვაწეობენ, ერთმანეთს არ ესალმებიან. ერთმანეთს არ ულოცავენ დღესასწაულებს.
დამჭირდა ეს პერიოდი და დრო, მაგრამ სამწუხაროდ, ეს აგრესია დღემდე არის. მეუფე პეტრე აქ მოღვაწეობდა 14 წელი და დრო და წლები დასჭირდება, რათა განიკურნოს ეს აგრესია”, – განაცხადა გრიგოლ კაციამ.
კითხვაზე რას გულისხმობს აგრესიაში. მეუფემ უპასუხა:
„მეუბნებიან, შენ კარგი ადამიანი ხარ, მაგრამ ჩვენთვის მეუფე არის პეტრე. მე ვამბობ და ვაფასებ, რომ ისინი არიან ერთგულები, მე მათ სულ ვეუბნებოდი, გინდათ მიულოცეთ მას ანგელოზის დღე, სხვა დღესასწაულები, გქონდეთ ურთიერთობა. მეუფე პეტრე რამდენჯერმე აქაც ჩამოვიდა, მაგრამ ჩემი ლმობიერი დამოკიდებულება ბოროტად გამოიყენეს და მე მლანძღეს ისევ”.
მანვე აღნიშნა, რომ ეპარქიაში არსებული კრიზისის და პრობლემების მოგვარებას შეძლებს მეუფე სტეფანე, რადგნ ის არის გონიერი და ბრძენი და კრიზისების მოგვარების დიდი გამოცდილება აქვს.