ჯანდაცვის მინისტრის თქმით, საქართველოს მასშტაბით ერთი და იგივე სამედიცინო მომსახურება ერთი და იგივე ტარიფით უნდა ხორციელდებოდეს. ამის შესახებ ეკატერინე ტიკარაძემ „იმედის კვირასთან“ ჯანდაცვის სფეროში დაგეგმილ რეფორმებზე საუბრისას განაცხადა.
„ჩვენთვის მნიშვნელოვანია, რომ საქართველოს ნებისმიერ წერტილში ერთი და იგივე მომსახურება ხორციელდებოდეს ერთი და იგივე ტარიფით და აუცილებლად ერთი და იგივე ხარისხით“, – აცხადებს მინისტრი.
მინისტრის ახალი სტრატეგიის მიხედვით, სახელმწიფო მეტ გამჭვირვალობას მოითხოვს ფასწარმოქმნასთან დაკავშირებით. სამედიცინო სექტორის ეფექტიანობის გაზრდის მიზნით ქვეყნის პოლიტიკა სახელმწიფო კლინიკების გაძლიერებაზე იღებს ორიენტირს. სახელმწიფო კლინიკები ჰოლდინგში ერთიანდება და ერთი სისტემით იმართება. სამედიცინო პერსონალის კვალიფიკაცია უნდა ამაღლდეს, რაც ანაზღაურებაზეც აისახება. პირველ ეტაპზე ხელფასი ექთნებს გაეზრდებათ. სახელმწიფო კლინიკები რჩება სტუდენტებისთვის პრაქტიკული ცოდნის მიღების მთავარ კერად. სტრატეგიაზე მუშაობა მარტში დასრულდება და მას საკანონმდებლო მხარდაჭერა დასჭირდება