„მთავარი არხი”, „TV პირველი” და „ფორმულა” – ეს არის სატანის მიკროფონი”

სხალთის მთავარეპისკოპოსი სპირიდონი კრიტიკულ ტელევიზიებს „სატანის მიკროფონს” უწოდებს და სინანულისკენ მოუწოდებს.

„მთავარი არხი”, „TV პირველი” და „ფორმულა” და კიდევ ზოგიერთები – ეს არის სატანის მიკროფონი. ამიტომ ვევედროთ დედა ღვთისმშობელს და უფალს, მოიქცენ ისინიც, მოტრიალდნენ, ღმერთმა მადლი მისცეთ ძალიან დიდი და სინანული მისცეთ ძალიან დიდი და უფალმა აღადგინოს დიდი ივერია”, – განაცხადა მან ქადაგებისას.

---

გასულ კვირას „ფორმულას” ჟურნალისტზე ვახო სანაიაზე თავდასხმის შემდეგ დღის წესრიგში კვლავ დადგა საზოგადოების სხვადასხვა ჯგუფების მხრიდან მედიის მიმართ აგრესიული დამოკიდებულების მიზეზების განხილვა. მედიის საკითხებზე მომუშავე ორგანიზაციებმა ასევე მოუწოდეს მმართველ პარტიას, რომ მხარი დაუჭირონ მედიის თავისუფლებას და საკუთარი აგრესიული დამოკიდებულებით არ წაახალისონ მედიის წარმომადგენლებზე თავდასხმა.