Astrazeneca-ს ვაქცინას დღეს დიდი ბრიტანეთისა და საფრანგეთის პრემიერ-მინისტრები გაიკეთებენ. ბორის ჯონსონმა გუშინ სპეციალურ ბრიფინგზე განაცხადა, რომ ძალიან მნიშვნელოვანია, ყველამ სწრაფად გაიკეთოს ინექცია.
„მე ჩემს დოზას გავიკეთებ. ვაქცინაციის ცენტრი, სადაც ავიცრები, Astrazeneca-ს იყენებს“, – აღნიშნა გაერთიანებული სამეფოს პრემიერ-მინისტრმა.
დღეს კოვიდვაქცინას გაიკეთებს საფრანგეთის პრემიერ-მინისტრიც. ჟან კასტექსი Astrazeneca-ს ვაქცინით აიცრება. საფრანგეთს ამ ვაქცინის გამოყენება თრომბის ცალკეული შემთხვევების გამოვლენის გამო ჰქონდა შეჩერებული, თუმცა მას შემდეგ, რაც ევროპის წამლის სააგენტომ Astrazeneca უსაფრთხო ვაქცინად აღიარა, საფრანგეთის პრემიერმა ვაქცინის საჯაროდ გაკეთება გადაწყვიტა.
კომენტარები