სომხეთის პრემიერ-მინისტრი ნიკოლ ფაშინიანი ვადამდელ საპარლამენტო არჩევნებამდე, აპრილის თვეში გადადგება. ამის შესახებ მან სოფელ არაგაცის მაცხოვრებლებთან შეხვედრის დროს განაცხადა. ინფორმაციას სომხური მედია ავრცელებს.
“აპრილში მე გადავდგები არა იმიტომ, რომ წავიდე, არამედ ვადამდელი საპარლამენტო არჩევნების ჩასატარებლად. ამ პერიოდის განმავლობაში მე გავაგრძელებ პრემიერ-მინისტრის მოვალეობის შესრულებას,” – განაცხადა პრემიერ-მინისტრმა.
ფაშინიანის გადადგომა ნიშნავს, რომ სომხეთში ვადამდელი საპარლამენტო არჩევნები გაიმართება. წინასაარჩევნო პერიოდში კი ნიკოლ ფაშინიანი სომხეთის მთავრობის მეთაურის მოვალეობების შესრულებისგან განთავისუფლებული იქნება.
ამრიგად ოპოზიციის მოთხოვნა დაკმაყოფილებულია, სომხეთში მიმდინარე პოლიტიკურ კრიზისს კი ვადამდელი საპარლამენტო არჩევნების შედეგები გადაწყვეტს.