რუსეთის პრეზიდენტმა, ვლადიმერ პუტინმა განაცხადა, რომ კორონავირუსის საწინააღმდეგო ვაქცინის მიღების შემდეგ მცირე გვერდითი მოვლენები განუვითარდა. ამის შესახებ Reuters-ი ადგილობრივ მედიაზე დაყრდნობით წერს.
„აცრის შემდეგ, მეორე დღეს რომ გავიღვიძე კუნთები ოდნავ მტკიოდა. სიცხე გავიზომე, ტემპერატურა ნორმალური მქონდა. ინიექციის ადგილას მცირე დისკომფორტს ვგრძნობდი“, – განაცხადა პუტინმა ერთ-ერთ ტელეარხთან ინტერვიუში.
პუტინმა სამშაბათს აიცრა, თუმცა სხვა მსოფლიო ლიდერებისგან განსხვავებით, ეს საჯაროდ არ გაუკეთებია. დღემდე უცნობია რომელი ვაქცინით აიცრა რუსეთის პრეზიდენტი.
რუსეთში კორონავირუსის საწინააღმდეგო ვაქცინაცია გასული წლის დეკემბერში დაიწყო. ოფიციალური მონაცემებით, ქვეყანაში, რომლის მოსახლეობაც 144 მილიონს აჭარბებს, ვაქცინის ორი დოზა 4,3 მილიონმა ადამიანმა მიიღო.