სამხედრო გადატრიალების შემდეგ, მიანმარში საპროტესტო აქციებზე სამართალდამცველებმა 500-ზე მეტი ადამიანი მოკლეს. ამის შესახებ Deutshce Welle უფლებადამცველ ორგანიზაცია AAPP-ზე დაყრდნობით წერს.
ორგანიზაციის მონაცემებით, ძალაუფლების ხელში ჩაგდების შემდეგ სამხედროებმა საპროტესტო აქციების დაშლის დროს 510 ადამიანი მოკლეს, დაკავებულია 2 574 დემონსტრანტი.
მიანმარში 1-ელ თებერვალს მომხდარი სამხედრო გადატრიალების შემდეგ საპროტესტო აქციები დაიწყო. სამთავრობო ძალები დემონსტრაციებს ცეცხლსასროლი იარაღის გამოყენებით არბევენ. ამერიკის შეერთებულმა შტატებმა და ევროკავშირმა მიანმარის გადატრიალების ლიდერებს სანქციები უკვე დაუწესეს.
კომენტარები