საფრანგეთში დღეიდან საყოველთაო კარანტინი ამოქმედდა. მკაცრი შეზღუდვები საფრანგეთის მთელ ტერიტორიაზე გავრცელდება და ოთხ კვირას იმოქმედებს.
ძალაში შევა ე.წ. კომენდანტის საათი და სამი კვირით დაიხურა სკოლები. ქვეყანაში მკაცრი ზომების უკვე მესამედ შემოღებას ე.წ ბრიტანული შტამის გავრცელებას უკავშირებენ. გარდა ამისა საფრანგეთის რეანიმაციულ განყოფილებებში 5 თვის განმავლობაში კოვიდინფიცირებულთა რაოდენობა რეკორდულად გაიზარდა.
ბოლო დღე-ღამეში, გერმანიაში კორონავირუსით ინფიცირებულთა რიცხვი თითქმის 19 ათასით გაიზარდა. შესაძლოა ქვეყანაში მკაცრი რეგულაციები ისევ დაწესდეს. ლოქდაუნია იტალიის რეგიონების ნახევარზე მეტ ტერიტორიაზე გამოცხადებული.
რაც შეეხება შეერთებულ შტატებს, ქვეყენაში აცრა 100-ს მილიონზე მეტ ადამიანს, აქვს ჩატარებული.
შტატების დაავადებათა კონტროლისა და პრევენციის ცენტრის მითითებით, სრულად ვაქცინირებულ პირებს ამერიკის შეერთებულ შტატებში მოგზაურობა კორონავირუსის ტესტისა და კარანტინის გავლის გარეშე მოგზაურობის შესაძლებლობა ეძლევათ.