არგენტინის პრეზიდენტს, ალბერტო ფერნანდესს, რომელიც იანვარში რუსული ვაქცინა „სპუტნიკით“ აიცრა, კორონავირუსი დაუდგინდა. ამის შესახებ ალბერტო ფერნანდესმა Twitter-ზე დაწერა.
„2 აპრილის საღამოს ჩავაბარე ტესტი ანტიგენზე და მისი შედეგი დადებითი აღმოჩნდა. ვიმყოფები თვითიზოლაციაში და ველოდები PCR-ტესტის შედეგებს“, – წერს არგენტინის პრეზიდენტი.
არგენტინაში ვაქცინაცია დეკემბერში დაიწყო. 45-მილიონიან ქვეყანაში ამ დრომდე 3,5 მილიონზე მეტი აცრაა გაკეთებული, მათ შორის 500 000-ზე მეტმა ადამიანმა უკვე ვაქცინის ორ-ორი დოზა მიიღო.
არგენტინაში ვაქცინაცია რუსული „სპუტნიკით“, ჩინური „სინოფარმით“ და „ასტრაზენეკას“ ინდური ვერსიით მიმდინარეობს.
კომენტარები