“ველოდებით „ნაცმოძრაობის“ გადაწყვეტილებას და იმედი გვაქვს, რომ მათ ვნახავთ პარლამენტში”

საქართველოში ევროკავშირის ელჩის, კარლ ჰარცელის განცხადებით, შარლ მიშელის შეთანხმების განხორციელებას ფუნდამენტური მნიშვნელობა აქვს.

„პოზიტიურად ვუყურებ ამ ყველაფერს იქედან გამომდინარე, რომ მიმდინარეობს შეთანხმების განხორციელება. პასუხისმგებლობა ეკისრება როგორც ოპოზიციას, ასევე მმართველ პარტიას. მიმდინარეობს ძალაუფლების გადანაწილების პროცესი და უკვე არის რეალური ნაბიჯი იმისთვის, რომ პარლამენტმა სრული შესაძლებლობებით იმუშაოს. ჩვენ ველოდებით „ნაციონალური მოძრაობის“ გადაწყვეტილებას და იმედი გვაქვს, რომ მათ ვნახავთ პარლამენტში, იმიტომ რომ ძალიან მნიშვნელოვანია მათი მონაწილეობა განხილვებში“, – განაცხადა ჰარცელმა.