პარლამენტის ვიცე-სპიკერი წევრი მანანა კობახიძე უშიშროების საბჭოს ახალ მდივანთან დაკავშირებით აცხადებს, რომ ის არ იცნობს დავით რაქვიაშვილს. კობახიძე იმედს გამოთქვამს, რომ ის ქვეყნის უშიშროების საკითხებში ერკვევა:
„პრეზიდენტის ეს გადაწყვეტილება ალბათ მისი ბიოგრაფიის, მისი გამოცდილების, მისი წარსულის შედეგია.
მე ვერ გეტყვით, მას არ ვიცნობ, თუმცა ალბათ შესაბამისად თავისი ცოდნით, თუ გამოცდილებით ერკვევა ქვეყნის უშიშროების ძალიან მნიშვნელოვან საკითხებში, რაც ქვეყნის უშიშროებას, მის თავდაცვისუნარიანობას ეხება და რაც ამ ორგანოს საქმიანობას და კომპეტენციებს ეხება.
ეს არის პრეზიდენტის კონსტიტუციით განსაზღვრული უფლებამოსილება, ეს მისი გადასაწყვეტია და რა თქმა უნდა ამ პირზეც პასუხისმგებლობას პრეზიდენტი იღებს“,- განაცხადა მანანა კობახიძემ.
კომენტარები