“ნაცმოძრაობის საქმე სულ უკან-უკან მიდის. მათ ბევრჯერ ჩაუვარდათ კოვზი ნაცარში. არჩევნებზეც კრახი განიცადეს. არადა, სააკაშვილი თანაპარტიელებს არწმუნებდა, რომ ისინი 2016 წელს უეჭველად დაბრუნდებოდნენ ხელისუფლებაში.
ნაციონალების არაფორმალური ლიდერი მათ ეუბნებოდა, რომ მომავალ პარლამენტში უმრავლესობას მოიპოვედბედნენ და ყველა საქმეში მათი მოკავშირე იქნებოდა პრეზიდნეტი მარგველაშვილი.
ნაციონალებმა პირწმინდად წააგეს. საბოლოო მარცხი განიცადეს მათმა სატელიტებმა და შემოგზავნილმა პიროვნებებმა – პაატა ბურჭულაძემ და შალვა ნათელაშვილმა. საბოლოოდ, სააკაშვილს უნდოდა, რომ მის პარტიას გამოეცხადებინა ბოიკოტი და არ შესულიყო პრლამენტში. თანაპარტიელებმა მას არ დაუჯერეს”, – აცხადებს მემარცხენე ალიანსის გენერალური მდივანი სოსო შატბერაშვილი გაზეთ“ახალი თაობისთვის” მიცემულ ინტერვიუში, სათაურით “სააკაშვილისა და ბოკერიას დაპირისპირება ნაცმოძრაობას დაასამარებს”/ სოსო შატბერაშვილი: “სააკაშვილის სატელიტების დრო წავიდა”
“ძირითადი მიზეზი ის იყო, რომ ახლანდელ ლიდერებს ძალიან სჭირდებათ სადეპუტატო იმუნიტეტი. მაგალითად, ბოკერიასაც დასაჭერად აქვს საქმე და ჭიაბერაშვილსაც, რომელიც თბილისის მერიც იყო. მისი შემდგომი მერი სასჯელს იხდის, ისევე, როგორც კიდევ რამდენიმე ყოფილი მაღალჩინოსანი. ბოიკოტით წარმოჩნდა დაპირისპირება სააკაშვილსა და ბოკერიას შორის.
ამ საკითხზე ცხოვრებაში ერთადერთხელ დავეთანხმე თამარ ჩერგოლეიშვილს. მან განაცხადა, რომ ათი წელიწადია, შვებულებაში არ ყოფილა, სააკაშვილი კი შორიდან იძლევა დირექტივებს და მას აქ მყოფების ბედი არ აინტერესებს. საბოტაჟის გეგმა ნაცმოძრაობაში ჯერ კიდევ არსებობს მაგრამ დარწმუნებული ვარ, რომ პრემიერი კვირიკაშვილი არ დაუშვებს ნაციონალების შეღწევას აღმასრულებელი ხელისუფლების ორგანოებში და საბოტაჟს.”, – აღნიშნავს რესპონდენტი.
“სააკაშვილისა და ბოკერიას დაპირისპირება საბოლოოდ დაასამარებს ნაციონალურ მოძრაობას. თავიდან ისინი ორ ნაწილად გაიყოფიან. სააკაშვილი შურისმაძიებელი ადამიანია და ბოკერიას ამ ურჩობას არ შეარჩენს. ეს ჯგუფები ერთმანეთს შეეჯახებიან, თუმცა, ეს არ ნიშნავს, რომ მათ ქვეყნისთის ზიანის მოტანა აღარ შეეძლებათ. ნაციონლების ორივე განაყოფი საშიში იქნება.
სანდრა რულოვსის უარი, მიიღოს მონაწილეობა მაჟორიტარული არჩევნების მეორე ტურში, ამ განხეთქილების ნაწილია. თანაც, ბოიკოტი არ გამოუვიდათ. რა როლი უნდა შეასრულოს პარლამენტში პოლიტიკაში ახალბედა რულოვსმა? “ქართული ოცნების” დეპუტატებსა და ირმა ინაშვილს ის დებატებს ვერ მოუგებს. ამიტომ რულოვსმა გაცლა გადაწყვიტა. დიდი ალბათობით რულოვსი პარტიულ სიაზეც უარს იტყვის. ის პარლამენტზე საერთოდ უარს იტყვის.
სანდო წყარო გვატყობინებს, რომ ამ დღეებში ნაციონალურ მოძრაობაში დიდი ფიზიკური შეხლა-შემოხლა იყო. ყველაზე დიდი ფიზიკური დაპირისპირება ირაკლი ოქრუაშვილის წამოსვლისას მოხდა. ეს პარტია არც არასოდეს ყოფილა მონოლითური. ის ადრევე დატოვა კობა დავითაშვილმა. რღვევის პროცესი მერეც მიმდინარეობდა. გახმაურებულია განხეთქილება, რომელიც იყო “რევოლუციურ სამეულში” ვგულისხმობ ე.წ. ვარდების რევოლუციის შემდეგ უთანხმოებას სააკაშვილის, ჟვანიასა და ბურჯანაძის პარტიებს შორის.”, – დასძენს პოლიტიკოსი და კითხვას – “ბურჭულაძე და ნათელაშვილი ახსენეთ. ისინი ისევ პოლიტიკაში არიან?”, – პასუხობს:
“ისინი ვეღარ დარჩებიან პოლიტიკაში. სააკაშვილის საქმიანობაც მთავრდება, მაგრამ მის აქტივობებს კიდევ ვნახავთ. ბურჭულაძისა და ნათელაშვილის დრო კი უკვე წასულია. ბურჭულაძე, თვითონ რაც უნდა თქვას, ფაქტობრივად, უკვე დაუბრუნდა ოპერას. ნათელაშვილის რეინკარნაცია შეუძლებელია.”