გიორგი კვირიკაშვილი – ეკონომიკური პროფილის სამინისტროების გაერთიანება არ იგეგმება

ეკონომიკური პროფილის სამინისტროების გაერთიანება არ იგეგმება“, – ამის შესახებ პრემიერ-მინისტრმა გიორგი კვირიკაშვილმა ჟურნალისტებს განუცხადა.
პრემიერის თქმით, გარკვეული ცვლილებები იგეგმება.
„ისევ ჯობია, რომ დავიცადოთ, იმიტომ, რომ არჩევნების ეპოპეა უნდა დასრულდეს. ჯერ კიდევ 30-ში არის მეორე ტური. მინდა, რომ ჩვენი ქვეყნის მოსახლეობა იცოდეს, რომ არჩევნები არ დასრულებულა და ძალიან მნიშვმნელოვანი მეორე ტური გვაქვს 30 ოქტომბერს. შემდგომ იქნება გარკვეული პერიოდი იმისათვის, რომ პარლამენტში წარდგეს უკვე მთავრობა და არ არის გამორიცხული გარკვეული ცვლილებები, რა თქმა უნდა, სამინისტროების მიმართულებითაც.
ეკონომიკური ბლოკის სამინისტროების შერწყმა არ იგეგმება, მაგრამ გარკვეული ცვლილებები იქნება. ვაგრძელებთ ჩვენ კონსულტაციებს მთავრობის წარმომადგენლებთან“, – განაცხადა პრემიერმა.