პარლამენტის თავმჯდომარის პირველი მოადგილე, გია ვოლსკი საკანონმდებლო ორგანოდან “გირჩი-მეტი თავისუფლებას” ლიდერის, ზურაბ ჯაფარიძის გასვლას გამოეხმაურა.
“ზურაბ ჯაფარიძის პარლამენტიდან გასვლა საოცრებათა წიგნში უნდა ჩაიწეროს. ადამიანი საკონსტიტუციო სასამართლოში საპარლამენტო არჩევნების დასრულების დღიდან გვიჩივის, რომ დეპუტატის მანდატი არ უწყდება და ახლა ამბობს, გავედიო. ერთხელ მოვიდა და ისიც, ვერაფერი ღირებული ვერ თქვა პლენარულ სხდომაზე. დიდი ხანია, გასულია არა მხოლოდ პარლამენტიდან, არამედ იმ ფორმატიდან, რასაც ჰქვია ნორმალური პოლიტიკური ცხოვრება“, – განაცხადა გია ვოლსკიმ.
კომენტარები
