ცნობილი გახდა ადგილი, სადაც 36 წლის ლევან ნამგალაძე დაჭრეს. დაპირისპირება წმინდა ნინოს ქუჩაზე მოხდა, რომელიც პოლიციის სამმართველოდან დაახლოებით 100 მეტრში მდებარეობს.
წინასწარი ინფორმაციით, საქმე ეხება კრიმინალურ ავტორიტეტებს შორის მომხდარ გარჩევას.
ირკვევა, რომ ბორჯომში მოკლული პირი 36 წლის ლევან ნამგალაძეა. მას მრავლობითი ჭრილობები ცივი იარაღით ჰქონდა მიყენებული. არსებული ინფორმაციით, ნამგალაძე კლინიკაში ჯერჯერობით დაუდგენელმა პირმა მიიყვანა, დატოვა, თავად კი ადგილიდან მიიმალა.
შემთხვევა დღეს, 6 აგვისტოს გამთენიისას მოხდა. ექიმების ინფორმაციით, ჭრილობები ნამგალაძეს კისრისა და მხარის არეში ჰქონდა მიყენებული და სიცოცხლესთან შეუთავსებელი მდგომარეობა ჰქონდა.
შსს-მ მომხდარზე გამოძიება 108-ე, განზრახ მკვლელობის მუხლით დაიწყო.ადგილობრივების ინფორმაციით, ლევან ნამგალაძეს მეუღლე და ორი შვილი დარჩა.