იუსტიციის სამინისტროს პრესასა და საზოგადოებასთან ურთიერთობის დეპარტამენტის ხელმძღვანელი ნატა მახვილაძე სოციალურ ქსელში პოსტს ავრცელებს, რომელსაც უცვლელად გთავაზობთ:
„ალბათ, ბევრმა არ იცით, მაგრამ ფრანგული მხარის ჩართულობით მსჯავრდებულები სასოფლო – სამეურნეო პროექტში მონაწილეობენ.
# 8 პენიტენციურ დაწესებულებაში მყოფმა მსჯავრდებულებმა წელს სასოფლო-სამეურნეო პროექტის ფარგლებში 8 ტონაზე მეტი მოსავალი მოიყვანეს.
მიმდინარე წელს არა მხოლოდ 1500 კგ ჟოლო, არამედ 2500 კგ წითელი და ყვითელი პომიდორი ჩერი, 2000 კგ საზამთრო, 1000 კგ გოგრა , 1000 კგ ბულგარული წიწაკა, ბრიუსელის კომბოსტო და მწვანილი მოიყვანეს.
მოსავლის რეალიზაცია რამდენიმე ობიექტში ხდება. პროდუქციის გაყიდვის შედეგად მიღებული თანხა, კი მსჯავრდებულების შემოსავალს წარმოადგენს და მათ ხელფასის სახით ერიცხებათ.
სასოფლო-სამეურნეო პროექტში მსჯავრდებულები 2019 წლიდან ჩაერთვნენ და ნაკვეთს ყოველდღიურად ამუშავებენ.
( პ.ს ფოტოები გადაღებულია მსჯავრდებულებთან შეთანხმებით )“, – წერს ნატა მახვილაძე