რამდენიმე დღის წინ, 32 წლის, ირაკლი ღიბრაძე მამის საფლავზე ნახეს გარდაცვლილი. საზარელ ფაქტს სოციალურ ქსელში მისი 20 წლის ორსული მეუღლე ეხმაურება და ემოციურ პოსტს წერს.
„ჩემო სიყვარულო როგორ არ შემიცოდე ჩვენი პატარას გამო მაინც როგორ არ დარჩი ამქვეყნად რა გავაკეთო, უსაზღვროდ რომ მიყვარხარ და უზომოდ რომ მომენატრები…
როგორ უნდა გნახო ჩემო ერთადერთო. 20 წლის ასაკში დამაქვრივე, როგორ გამიმეტე ამ ტკივილისთვის. შენ ხომ სულ მპირდებოდი, ყველაფერს გავაკეთებ უბედნიერესი რომ იყოო. შენ ყველაზე კარგი იყავი ვისაც კი ვიცნობ, ყველაზე კეთილი და ყველაზე ღირსეული.
სამწუხაროდ, სწორედ ამან მოგიტანა ეს დასასრულიც. გპირდები, მთელ ჩემს ცხოვრებას შენზე ლოცვას დავუთმობ, შენს შვილს ღირსეულად გავზრდი და შენი ქვრივიც ღირსეულად მოვკვდები. შენ ხარ ჩემი უკანასკნელი სიყვარული, ჩემი სიამაყე, ჩემი უსაზღვრო ბედნიერება და ჩემი უდიდესი ტკივილიც შენ გახდი”, – წერს სოციალურ ქსელში გარდაცვლილი ბიჭის მეუღლე.