“ალაზნის ჭალაში იპოვა ჩანთა, რომელშიც იდო ეს ხელყუმბარა…” – საიდან ჰქონდა საბრძოლო იარაღები ბანკში შეჭრილ მზარეულს

საიდან ფლობდა საბრძოლო მასალას ყვარელში, ბანკში შეჭრილ მზარეული – “ადვოკატ ლეილა გარსევანიშვილის განცხადებით, მისმა დაცვის ქვეშ მყოფმა შალვა მელიქიშვილმა, რომელმაც “საქართველოს ბანკზე” შეიარაღებული თავდასხმა განახორციელა, საბრძოლო იარაღი დაახლოებით 7 წლის წინ, ალაზნის ჭალაში იპოვა.

“განმარტა, რომ 7 წლის წინ, ალაზნის ჭალაში იპოვა ჩანთაში, რომელშიც იდო ეს ხელყუმბარა და იყო ასაფეთქებელი ნივთიერებები. როგორც მე ვიცი, ეს ასაფეთქებლები გამოიყენება თევზჭერისას,” – განაცხადა ბრალდებულის ადვოკატმა.

შინაგან საქმეთა სამინისტრომ შალვა მელიქიშვილი ყვარელში “საქართველოს ბანკის” ერთ-ერთ ფილიალზე თავდასხმის, ტერორისტული მიზნით მძევლად ხელში ჩაგდების და საბრძოლო მასალის მართლსაწინააღმდეგო შეძენა-შენახვა-ტარების ბრალდებით 49 წლის შალვა მელიქიშვილი დააკავა.