თბილისის საქალაქო სასამართლოში “რუსთავი 2”-ის საქმის განხილვა გრძელდება. სასამართლო ტელეკომპანიის დამფუძნებლების, ჯარჯი აქიმიძის და დავით დვალის სარჩელის განხილვას აგრძელებს. საქმე არსებითი განხილვის ეტაპზეა. ამ წუთებში, მხარეები კითხვა-პასუხის რეჟიმში არიან.
“ჩვენ გვყავს 2 მოწმე, რომლებიც მოყვებიან ყველაფერ იმას, რაც ხდებოდა 2004 წლის მაის-ივნისში, ეს არის ხალხი, რომლებიც ჩვენთან ერთად იყვნენ, ჩვენი მეგობრები არიან და, ფაქტობრივად, თანამონაწილენი არიან ამ პროცესის, იმ დევნის, თვალთვალის და ზეწოლის, რომელიც ჩვენს მიმართ ხორციელდებოდა.
დღეს კარგი ხდება ის, რომ დაიწყო არსებითი პროცესი, მაგრამ რაოდენ უცნაურიც არ უნდა იყოს, ჩვენ თუ ვართ მთავარი ადამიანები, ჩვენს გარდა კიდევ ერთი მთავარი ადამიანი არის ამ საქმეში, რომლის სახელი და გვარია ქიბარ ხალვაში, რომელიც, ჯერჯერობით, აქამდე არ გამოჩენილა,”-განაცხადა ჯარჯი აქიმიძემ მედიასთან საუბრისას.