საქართველოს მესამე პრეზიდენტის, მიხეილ სააკაშვილის მხარდამჭერი მაია ორჯონიკიძე სოციალურ ქსელში ვიდეომიმართვას ავრცელებს, სადაც ის დაუშვებლად მიიჩნევს ნიკა მელიასა და მიხეილ სააკაშვილის პატიმრობას შორის ტოლობის დასმას.
“გამოვიდა გუშინ მელია და თქვა ესეთი რაღაც – ზუსტი სიტყვები, ფორმულირება არ მახსოვს, მაგრამ – ჩვენ ნუ გადაგვახტებითო, თუ რაღაც, თაკო ჩარკვიანისკენ ისროლა კენჭები. მერე თაკომ უპასუხა, მიხეილ სააკაშვილი ნაცმოძრაობის პრეზიდენტი არ არის და მე მგონი, ის მთელი საქართველოს პრეზიდენტიაო.
რა დროს ეს კენწლაობაა. მე რა მაინტერესებს, იცით?! მელია რატომ უტოლებს თავს სააკაშვილს?! მეგობრები არიან, ერთმანეთს ენდობიან, ძალიან კარგი, მაგრამ ტოლობის ნიშანს როგორ სვამს ნიკა მელია მის პატიმრობასა და მიხეილ სააკაშვილის პატიმრობას შორის, ხომ იცის, რომ მასშტაბით ვერასოდეს მივა,” – აცხადებს მაია ორჯონიკიძე.