5 ოქტომბერს გადაცემაში „The Talk შოუ“ სტუმრებმა სილამაზის სტანდარტებისა და პირადი გამოცდილების შესახებ ისაუბრეს.
მათ ბავშვობის წლები გაიხსენეს და აღნიშნეს, რომ ბულინგის მსხვერპლნი იყვნენ.
ერთ-ერთი სტუმარი, მომღერალი ქრისტინე იმედაძე ამბობს, რომ გარეგნობის გამო ხშირად ჩაგრავდნენ.
„ჩემს ბავშვობაშიც იყო რაღაც სილამაზის სტანდარტი და არასდროს მქონია ამბიცია, რომ ლამაზი უნდა ვყოფილიყავი, თუმცა სხვა ადამიანებს ხომ აქვთ სურვილი, გვითხრან, რას ფიქრობენ ჩვენზე.
თუ ცისფერი თვალები, ქერა თმა და ბროლივით კანი გქონდა, უკვე ლამაზი იყავი. არ ვჯდებოდი ამ სტანდარტებში მქონდა დიდი პირი და სიცილისას ყველა კბილი მიჩანდა, მაჯავრებდნენ, დამცინოდნენ, ამბობდნენ, მაიმუნი მოვიდაო…
ვიდეო დადებული არ მაქვს, წერენ, ვირი… ცხენი… როცა გარდატეხის ასაკში ცხვირი შეშუპებული მქონდა, ადარებდნენ ხან ნაჯახს, ხან სხვა ნივთებს… ახლა უკვე იმუნიტეტი მაქვს, შევეჩვიე“, – ამბობს იმედაძე.