აცრის რაოდენობა დაკლებულია, რაც ძალიან სამწუხაროა. სახეზე გვაქვს მასშტაბური კლება. დღეს გვაქვს დამატებითი საბჭო, რომელშიც მონაწილეობას მიიღებენ ქვეყნის მასშტაბით გუბერნატორი და მერები, – ამის შესახებ ჟურნალისტებს ჯანდაცვის მინისტრმა, ეკატერინე ტიკარაძემ განუცხადა.
მისივე თქმით, მნიშვნელოვანია, რომ თვითმმართველობები გააქტიურდნენ, რადგან მხოლოდ ჯანდაცვის სამინისტრო თავისი რესურსით რეგიონებს საკმარის ინფორმაციას ვერ აწვდის.
„ჩვენ მათ მივაწვდით ინფორმაციას თითოეული რეგიონის ჭრილში და ასევე სოფლის დონეზე, თუ სადაც არის კრიტიკული მაჩვენებელი ვაქცინაციის მხრივ და შემდეგ მნიშვნელოვანია, რომ ერთობლივად გაიმართოს ყველა ის საველე სამუშაო, რომლის ფარგლებში მოიმატებს ვაქცინაციის მაჩვენებელი რეგიონებში“, – განაცხადა ჯანდაცვის მინისტრმა.
კომენტარები