ბათუმში, ჩამონგრეული კორპუსის ნანგრევებიდან მოქალაქე დახმარებას ითხოვს.
მას რამდენიმე წუთის წინ, ნათესავი ესაუბრა, რომელიც მაშველებმა ტერიტორიიდან გაიყვანეს. თუმცა ნანგრევებში მოყოლილის ჯანმრთელობის მდგომარეობა უცნობია.
ბათუმში, 26 მაისის ქუჩაზე საცხოვრებელი კორპუსის ნაწილი ჩამოინგრა. ამ დროისთვის სამაშველო ოპერაცია მიმდინარეობს. კორპუსის ნანგრევებში მოყოლილი მანქანიდან მცირეწლოვანი ბავშვი ცოტა ხნის წინ ამოიყვანეს.
მოსახლეობის ევაკუაცია მიმდინარეობს. მაშველებს, ჩამონგრეული კორპუსიდან მოქალაქეები ამწეკრანის დახმარებით გამოჰყავთ.
ცოტა ხნის წინ, საგანგებო სიტუაციების მართვის სამსახურის თანამშრომლებმა ნანგრევებში მოყოლილი მანქანიდან მცირეწლოვანი ბავშვი და დედა ამოიყვანეს. სამედიცინო დახმარების ჯგუფმა ისინი კლინიკაში გადაიყვანა.
აჭარის ჯანდაცვის მინისტრის ნინო ნიჟარაძის განცხადებით, ბათუმში, კორპუსის ჩამონგრევის შედეგად დაშავებული ბავშვი კლინიკაშია გადაყვანილი.
როგორც ნინო ნიჟარაძემ განაცხადა, არ აქვს ინფორმაცია სხვა დაშავებულების შესახებ.
ბათუმში, ჩამონგრეული კორპუსის ნანგრევებიდან მოქალაქე დახმარებას ითხოვს
2021/10/08 13:32:42
ნანახია: 227 ჯერ