„ქართული ოცნების“ თავმჯდომარე, ირაკლი კობახიძე ბათუმში მომხდარ ტრაგედიას ეხმაურება და დაღუპულთა ოჯახის წევრებს, მეგობრებსა და ახლობლებს უსამძიმრებს.
„სიტყვებით რთულია იმ მწუხარების გადმოცემა, რომელიც ასეთი ტრაგედიის დროს გეუფლება. თითოეული გარდაცვლილი ადამიანი, განსაკუთრებით თითოეული ბავშვი, რომლის გადარჩენის იმედიც გუშინ ყველა ჩვენგანს უკანასკნელ წუთამდე არ ტოვებდა, უდიდესი ტკივილია. ვუსამძიმრებ დაღუპულთა ოჯახის წევრებს, მეგობრებსა და ახლობლებს. მადლობა მაშველებს თავგანწირვისთვის!“, – წერს ირაკლი კობახიძე.
კომენტარები