ნიკა კვარაცხელიას ჯგუფურად განზრახ მკვლელობაში ბრალდებულების, გიორგი კავილაძისთვის და აკო ჭელიძისთვის შეფარდებული აღკვეთის ღონისძიება ძალაში დარჩა. გადაწყვეტილება თბილისის საქალაქო სასამართლოს მოსამართლემ გიორგი გელაშვილმა გამოაცხადა.
დღევანდელ სხდომაზე, ბრალდების მხარე პროცესზე წარმოდგენილი ბრალდებულების მიმართ დაუსწრებლად შეფარდებული აღკვეთის ღონისძიების პატიმრობის ძალაში დატოვებას მოითხოვდა.
კავილაძე და ჭელიძე სამართალდამცველებმა, 7 ოქტომბერს წყნეთში ჩატარებული სპეცოპერაციის შედეგად დააკავეს. ბრალდებულები ადვოკატების მოთხოვნით, უსაფრთხოების ნორმებიდან გამომდინარე, რუსთავის მე-6 დახურული ტიპის დაწესებულებაში მოათავსეს. ორივე ბრალდებულს აღმკვეთი ღონისძიების სახით შეფარდებული აქვთ პატიმრობა. დანაშაულის დამტკიცების შემთხვევაში მათ 13-დან 17 წლამდე თავისუფლების აღკვეთა ემუქრებათ.