2010 წლის შემდეგ შენობებზე სართულების დამატების ნებართვა ბათუმში არ გაცემულა, თუმცა ამ მიმართულებით რეგულაციები უნდა გამკაცრდეს, – ამის შესახებ ტიტე აროშიძემ „ქრონიკაში“ განაცხადა. აჭარის უმაღლესი საბჭოს თავმჯდომარის მოადგილემ აღნიშნა, რომ ქაოსურმა ურბანულმა განაშენიანებამ სამწუხაროდ წლების განმავლობაში მოიტანა ის, რომ მიშენებები და დაშენებები მშენებლებისთვის და მოსახლეობისთვის ჩვეულ სტილად იქცა.
მისი თქმით, შესაბამისი ინჟინრული გათვლების გარეშე აკეთებენ იმ დაშენებებს, რომლებიც დაუშვებელია და სიცოცხლისთვის საფრთხეს წარმოადგენს. „მნიშვნელოვანია ამუშავდეს ის რეგულაციები, რომელიც არსებობს მშენებლობის სექტორში. ბათუმის მერიამ ამასთან დაკავშირებით რამდენიმე თვის უკან გადადგა ნაბიჯი და ქალაქის განაშენიანების გენერალურ გეგმაზე დაიწყო მუშაობა, რომელიც უახლოეს თვეებში იქნება“, – აღნიშნა აროშიძემ.