ბათუმში, ცეცხლსასროლი იარაღიდან ძმებს ესროლეს. სროლის შედეგად ერთი მათგანი დაიღუპა, ერთი კი დაიჭრა.
სავარაუდო დამნაშავე მათი მეზობელია. მეზობლებს შორის კონფლიქტის მიზეზი ფინანსური დავა გახდა.
ამასთან, ირკვევა, რომ სავარაუდო დამნაშავე, რომელმაც ძმები დაჭრა, არაფხიზელ მდგომარეობაში იყო. ის ბათუმის საკრებულოს დეპუტატის, პარტია “საქართველოსთვის” წევრის, აკაკი გვიანიძის მამაა.
გვიანიძე “მთავარ არხთან” სატელეფონო კომენტარში ამბობს, რომ 28 წელია მამასთან კონტაქტი არ აქვს და არც მომხდარის დეტალები იცის.
სავარაუდო დამნაშავის ვინაობა უკვე დადგენილი აქვს პოლიციას, თუმცა მისი დაკავება ჯერჯერობით არ მომხდარა.
კომენტარები