მადლობა ყველას, ვინც გვერდით დაუდგა ამ ოჯახებს და კიდევ ერთხელ ვუსამძიმრებ მათ. ეს ნამდვილად ძალიან მძიმე და რთული ტრაგედიაა,- ამის შესახებ შინაგან საქმეთა მინისტრმა ვახტანგ გომელაურმა ჟურნალისტებს ბათუმში განუცხადა, სადაც დაღუპულთა პანაშვიდზე იმყოფებოდა.
„ნამდვილად ძალიან ტრაგიკული და ვიტყოდი, რომ ჯოჯოხეთური ღამე იყო ჯერ ოჯახის წევრებისთვის და შემდგომ ყველა ჩვენგანისთვის. ყველა ერთად ვცდილობდით გადაგვერჩინა ეს ადამიანები. მადლობა ყველას, ვინც გვერდით დაუდგა ამ ოჯახებს და კიდევ ერთხელ ვუსამძიმრებ მათ. ნამდვილად ძალიან მძიმე და რთული ტრაგედიაა“, – აღნიშნა ვახტანგ გომელაურმა.
26 მაისი ქუჩაზე კი, იმ ადგილას, სადაც 8 ოქტომბერს ტრაგედია დატრიალდა, სამგლოვიარო კედელი გაკეთდა. გარდაცვლილთა ხსოვნის პატივსაცემად, მოქალაქეებს ყვავილები მიაქვთ და სანთლებს ანთებენ. შეკრებილები იხსენებენ 8 ოქტომბრის ტრაგედიას და მძიმე წუთებზე საუბრობენ.