კოვიდპანდემიის მიერ მიყენებულ ზიანსა და ვაქცინაციის აუცილებლობაზე სპორტსმენები აქტიურად ალაპარაკდნენ. წარმატებული ქართველი სპორტსმენები საზოგადოებას იმუნიზაციის პროცესში უფრო აქტიური ჩართვისკენ მოუწოდებენ.
ევროპისა და მსოფლიოს ჩემპიონი, სპორტის სხვადასხვა სახეობაში მრავალგზის პრიზიორი ნიკა სისვიძე ფიქრობს, რომ ვაქცინაცია ცხოვრების ჩვეული რიტმის დაბრუნების ერთადერთი საშუალებაა.
„ვაქცინაცია არის ერთადერთი გზა, რათა ჩვენმა ქვეყანამ გააგრძელოს ნორმალური ფუნქციონირება, ეკონომიკა განვითარდეს და ხალხი დაუბრუნდეს ძველებურ ცხოვრებას. რომ სპორტსმენებმა ჩვენი საქმე ვაკეთოთ, მსახიობებმა თავისი და ა. შ.
სამწუხაროდ, სპორტის სფეროში შეჯიბრებები აღარ ტარდება, რაც სპორტსმენებს ვარჯიშის გაგრძელების მოტივაციას გვიკლავს.
მოვუწოდებ ყველას, რომ ავიცრათ! ამ საქმეში ყველაზე ჭკვიანები და მცოდნეები მეცნიერები და ექიმები არიან. მათ უნდა დავუჯეროთ! თუ ომში გენერალს ვუჯერებთ, დღეს ეს ხალხია გენერლები და უნდა მივენდოთ“, – ამბობს სისვაძე.