ბეგი ლოგუა სკანდალური პოსტის შემდეგ განმარტებას აკეთებს.
“გუშინდელი პოსტის შემდეგ, ბევრი მითქმა-მოთქმა დაიწყო დედაჩემის საქმეზე და საჭიროდ ვთვლი, მოკლედ განვმარტო:
❌ 2007 წელს პროკურორმა – როლანდ ახალაიამ გადაწყვიტა აეხია ქონება ერთ-ერთი სააქციო საზოგადოებისთვის, რომლიც ქაციების მფლობელი დედაჩემიც იყო (10%), სხვა, 30-მდე ადამიანთან ერთად.
❌ ვინაიდან დედა იყო სამეთვალყურეო საბჭოს თავმჯდომარე, დაიბარეს და მოსთხოვეს ქონების დათმობა, მაგრამ ეს შეუძლებელი იყო, ვინაიდან ამ მოთხოვნამდე რამდენიმე თვით ადრე აქციები გავყიდეთ, სრულად, ინვესტორი შემოვიყვანეთ, ქონება გადაფორმდა რეესტრით და მთავარი, ჩაიფარა სახელმწიფო ბიუჯეტის მიმართ 90-იანებში დაგროვილი დავალიანება (მიწის გადასახადი).
❌ დაიბარეს მყიდველი, რატომ იყიდეთ ჩვენთან შეუთახმებლადო?! დააბრუნეთო!
მყიდველმა განუმარტა, რომ ყველა დოკუმენტი იყო შედგენილი სწორად და შესაბამისად აბსოლუტურად ლეგალურად მოხდა აქციების შეძენა.
❌ პროკურორმა წამოაყენა ერთადერთი მოთხოვნა ორივე მხარის წინაშე:
“ან დააბრუნეთ და აჩუქეთ სახელმწიფოს ეს ქონება, ან გექნებათ პრობლემები”-ო!
ვინაიდან უკვე არც ფული არსებობდა, რომლიც მყიდველმა გადაუხადა მართლა გაჭირვებულ აქციონერებს, არც ჩვენი იყო ქონება, რომ გვეჩუქებინა მათთვის, ჩვენ ეს “რეკეტიორული” მოთხოვნა ვერ დავუკმაყოფილეთ.
❌ ეგრევე აღიძრა საქმე და დაიწყო ყველას დაბარება პროკურატურაში, ბევრი შეშინდა და ცრუ ჩვენება მისცა, ერთეულები ვერ გატეხეს, მათ შორის იყო დედაჩემი, რომლისგანაც აღიარება ვერ მიიღეს, მიუხედავად ციხეში ჩასმისა, შვილის დაკავებისა და მუდმივი ტერორისა.
❌ დააკავეს დედაჩემი და 53 დღე გამოკეტეს ზუგდიდის უსაშინლეს, აყროლებულ ციხეში, აღიარების მიღების მიზნით.
❌ გახსოვთ, ამ წელს მოხდა 7 ნოემბრის მოვლენები და მიშა გადადგა. მეც ავდექი, გამოვაცხადე ეთერში რომ ვიწყებდი შიმშილობას ზუგდიდის ცენტრში დედაჩემის გათავისუფლებამდე და ამ განცხადებიდან რამდენიმე საათში (დაკავებიდან 53-ე დღეს) დედა სახლის კართან დამისვეს, გირაოთი შეძლებიათ აღკვეთის შეცვლა, თურმე.
❌ არჩევნებში ე.წ. გამარჯვების შემდეგ საქმე დაასრულეს იმით, რომ დედაჩემს მიუსაჯეს (დაჯამების პრინციპით 14 წელზე მეტი) პატიმრობა, ხოლო მე 5 წლიანი პირობითი, ვითომ მოწმეზე ზეწოლის შეთითხნილი ბრალდებით.
როგორ ვიბრძოლეთ:
⚠️ დედამ, მიუხედავად ჩემი დაჭერის მუქარისა არ აღიარა ახალაიას მიერ შეთითხნილი ბრალდება, გავიარეათ ყველა ინსტანცია და ბოლოს მივადექით სტრასბურგს, სადაც დღემდე მოლოდინის რეჟიმში ვართ.
⚠️ შეკერილი საქმის გამოსააშკარავებლად ჟურნალისტებმა ჩაატარეს გამოძიება და მისი შედეგები დავდეთ საჯაროდ (დააიგნორეს)
⚠️ ოფიციალურად და არაოფიციალურად მივმართე ძალიან ბევრ მოქმედ თანამდებობის პირს, რათა ეშუამდგომლათ პროკურატურასთან და მიშასთან, რომ მათ მოეხდინათ რეაგირება ამ უსამართლობაზე
✔ ზურაბ ადეიშვილი
✔ ნიკა გვარამია
✔ მარიკა ვერულაშვილი
✔ გიგი უგულავა
✔ ელენე თევდორაძე
✔ ლევან ბეჟაშვილი
✔ პროკურატურის გენ. ინსპექცია
✔ პარლამენტის ადამიანის უფლებათა დაცვის კომიტეტი
✔ პარლამენტის წევრები
და სხვები…
ყველასგან, ოფუციალურად თუ პირად საუბარში, მივიღეთ თითქმის იდენტური უკუკავშირი. “იქ სადაც ახალაიაა ჩართული, ჩვენ ვერაფერს გიშველითი… ის მიშას ოჯახის წევრია…”
⚠️ როცა გავაცნობიერე, რომ დედის აბსოლუტური უდანაშაულობის მიუხედავად (რაც დავამტკიცეთ ჟურნალისტური გამოძიებით, მოწმეების გამოკითხვით და მათ მიერ აღიარებით), ვერ მივაღწევდი სამართალს და გაბოროტებულ სისტემასთან მქონდა საქმე, გადავწყვიტე ყველაზე დიდი ძალაუფლების მქონე პირისთვის მიმემართა პირადად.
✔ ღია წერილით მივმართე მიშას, რომ მიუხედავად იმისა, იყო თუ არა დამნაშავე, შეეწყალებინა დედაჩემი, რომელიც ავადმყოფობდა, რათა შემძლებოდა მისი სრულფასოვანი მკურნალობა. ამ წერილს ხელი მოაწერა საზოგადოებისთვის ცნობილმა ადამიანებმა, რომელთა მადლიერი დღემდე ვარ და ვიქნები მთელი ცხოვრება.
✔ ეს და უამრავი სხვა თხოვნა ოფიციალურად შევიტანე კანცელარიაში და ასევე, მეგობრების დახმარებით გადავეცით მიშას დაცვას
✔ არაოფიციალურად, მეგობრის დახმარებით მივმართე გიული ალასანიას
⚠️ აბსოლუტური იგნორის შემდეგ, დავიწყე შიმშილობა პარლამენტის წინ. ამის გამო დამიჭირეს და გამასამართლეს. იმ დროინდელმა სახახლო დამცველმა, სოზარ სუბარმა მისი ადმინისტრაციის ეზოში კარავის გაშლის უფლება არ მომცა, ვინაიდან იქ უკვე შიმშილობდა სხვა, ჩემისთანა გაუბედურებული კაცი.
❌ შემდეგ გაგრძელდა თვალთვალი, მოსმენები, მეგობრების დაბარება დაკითხვებზე, ჩემი სამსახურიდან გაშვება,(სალიზინგო კომპანიიდან)
5 წლის შემდეგ შეიცვალა მთავრობა და დედაჩემს შეეხო ამნისტია, თუმცა დღემდე ველოდებით სამართლიანობის აღდგენას. მან, ეს 5 წელი ძებნილობაში გაატარა, საერთოდ ვერ მივიდა ექიმთან, დღემდე შიში აქვს პატრულის ციმციმების, პოლიციის მანქანის ხმის და მიუხედავად ამისა, ერთი წამით არ უნანია, რომ არ აღიარა არარსებული დანაშაული და არ გასწირა წესიერი ხალხი (მყიდველის წარმომადგენელი იურისტები).
დიდი იმედი მაქვს, ამჟამინდელი გენერალური პროკურორი, ირაკლი შოთაძე, საქართველოს პროკურატურა / The Prosecution Service of Georgia მისი წინამორბედებისგან განსხვავებით, არ შემოდებს ამ საქმეს თაროზე და ჩემი მართალი დედა, ჩემი და ჩემი თანამებრძოლი მეგობრების სიმართლე – გაიმარჯვებს!
ამის ყველანაირი იურიდიული საფუძველი უკვე, დიდი ხანია, არსებობს!
P.S. ვეცადე ძალიან მოკლედ დამეწერა, ამიტომ ბევრი სისაძაგლე ვერ ჩავატიე.
ჩვენი საქმის ძირითადი ადვოკატები იყვნენ:
✔ Giorgi Chikaberidze
✔ Mirian Nikoladze
✔ Manana Kobakhidze
დიდი მადლობა მათ, თავგადადებული რძოლისთვის!
ჩვენს საქმეზე ჟურნალისტური გამოძიება ჩაატარეს:
✔ Tamuna Lepsveridze
✔ Irma Mesxia და მათი გუნდი
გოგონები, რომლებიც არ შეუშინდნენ გაბოროტებულ სისტემას და ბოლომდე, ერთგულად გვედგნენ ამ ბრძოლაში.
მიუხედავად შედეგისა, ჩვენ გავიმარჯვეთ, ვინაიდან ჩვენ ვერ გაგვტეხეს მორალურად და ვერ შეგვირცხვინეს სინდისი!”