“პრაიმტაიმისთვის” ცნობილი გახდა, რომ მოდელი ლიკა ქორქია, რომელიც საზოგადოებაში დიდი პოპულარობით სარგებლობს და ყოველთვის მასზე აღფრთოვანებით საუბრობენ, დაქორწინდა. მისი რჩეული მიხეილ ხიდურელია. ის “აწარმოე საქართველოში” დირექტორის პოზიციაზე მუშაობს.
როგორც ქორქია-ხიდურელის წყვილის ახლობელი ამბობს, ისინი 6 თვის წინ დაქორწინდნენ, თუმცა სოციალურ ქსელებში ამის აფიშირება არ მომხდარა.
“ლიკა ქორქია და მიხეილ ხიდურელი 6 თვის წინ დაქორწინდნენ. ამ გადაწყვეტილებამდე წყვილმა ერთმანეთი კარგად გაიცნო, გააზრებულად შექმნეს ოჯახი და დარწმუნებული ვარ, ძალიან დიდხანს ბედნიერები იქნებიან.” – ამბობს წყვილის მეგობარი.
“პრაიმტაიმი” ამ სასიამოვნო ამბის დეტალებზე სასაუბროდ თავად ლიკა ქორქიას დაუკავშირდა. ის ამბობს, რომ პირად ცხოვრებაზე საუბარი არ უყვარს და “ტრადიცია” არც ამჯერად დაარღვია, თუმცა ადასტურებს, რომ მან მიხეილ ხიდურელთან ერთად ოჯახი მართლაც შექმნა. “პრაიმტაიმის” მილოცვაც მიიღო და აღნიშნა, რომ თავად სოციალურ ქსელებში აქტიური არ არის, არც ისეთი ღირსშენსანიშნავი მოვლენის, როგორიც ქორწინებაა აფიშირება მოუხდენია ამ დრომდე…
“დიახ, მე და მიხეილ ხიდურელმა ვიქორწინეთ. არ ვარ აქტიური სოციალურ ქსელებში, არც ბევრ ადგილას დავდივარ და ამ დრომდე ფართო საზოგადოებისთვის ეს ამბავი არ გასაჯაროებულა. ჩვენი ქორწინების შესახებ მხოლოდ ახლობლებმა იცოდნენ და ასე ნელნელა ვრცელდება ჩვენი ამბავი, თუმცა არ ვფიქრობ, რომ ეს ვინმეს აინტერესებს. ვცხოვრობთ ერთად და ბედნიერად, სულ ესაა რაც შემიძლი გითხრათ, არ მიყვარს პირად თემაზე საჯაროდ საუბარი.” – ამბობს ლიკა ქორქია.