“მარგველაშვილზე უსუსური არაფერი მინახავს ქართულ პოლიტიკაში”

„უნდა ვთქვა, რომ მარგველაშვილზე უსუსური არაფერი მინახავს ქართულ პოლიტიკაში. უსუსური, უმწეო, ბეჩავი კაცია, პოლიტიკოსი და პრეზიდენტი კი არა,“- ასე გამოეხმაურა ჟურნალისტი ნინუკა ბორჩხაძე გიორგი მარგველაშვილის გუშინდელ ინტერვიუს მიხეილ სააკაშვილთან დაკავშირებით.
ნინუკა ბორჩხაძის გაღიზიანება მარგველაშვილის მიერ მიხეილ სააკაშვილის შეწყალებასთან დაკავშირებულ კითხვაზე უარყოფითმა პასუხმა  გამოიწვია.
„კი, გიორგი, უნდა შეგეწყალებინა იმიტომ კი არა, რომ შენი შეწყალება სჭირდებოდა ბუკვალური მნიშვნელობით ვინმეს, არამედ იმიტომ, რომ იცოდი ( და ამას თავად ამბობ, რომ იცოდი), ეს საქმეები აბსურდული იყო.
კი, უნდა შეგეწყალებინა ორივე საქმეზე და მოქალაქეობაც აღგედგინა, კეთილსინდისიერი, გაბედული და მართლა დიდსულოვანი ან სამართლიანი ადამიანი რომ ყოფილიყავი, ოღონდ, იმ შემთხვევაში. ჰიპოთეტიურადაც რომ ვერ “იწყალებ”, ეგ ცალკე დრამაა და ამ ყველაფერს, სააკაშვილის გეგმებში არაადეკვატურ ჩარევად ნათლავ, ეგ – ცალკე დრამა.
пустое место – ესაა შენი სახელიც, გვარიც, პრეზიდენტობაც და ექს-პრეზიდენტობაც.
სულ ეს იყო, გმადლობთ,“- წერს ნინუკა ბორჩხაძე.