თბილისის მერმა დავით ნარმანიამ რევაზ გაბრიაძეს „თბილისის საპატიო მოქალაქის“ სიგელი გადასცა.
თბილისის მერი დავით ნარმანია და მერიის კულტურის საქალაქო სამსახურის უფროსი ია მაქაცარია, თეატრისა და კინოს რეჟისორს, მხატვარსა და მწერალს რევაზ გაბრიაძეს ეწვივნენ. დავით ნარმანიამ რევაზ გაბრიაძეს „თბილისის საპატიო მოქალაქის“ სიგელი და ქალაქის სიმბოლური გასაღები გადასცა.
მერიის ინფორმაციით, რევაზ გაბრიაძეს „თბილისის საპატიო მოქალაქის“ წოდება წელს მიენიჭა, თუმცა თეატრისა და კინოს სახელგანთქმული რეჟისორი დაჯილდოების ცერემონიალის დროს საქართველოში არ იმყოფებოდა. აღნიშნულიდან გამომდინარე, თბილისის მერი მას პირადად ესტუმრა და სიმბოლური საჩუქრები გადასცა.
კომენტარები