დევნილთა, ეკომიგრანტთა და საარსებო წყაროებით უზრუნველყოფის სააგენტომ თბილისში, ახალაშენებულ კორპუსში, ადმინისტრაციული დაპირების მქონე იძულებით გადაადგილებულ 5 ოჯახს ბინები გადასცა.
„თანამედროვე სტანდარტების შესაბამისი საცხოვრებელი ფართები კენჭისყრის პრინციპით განაწილდა. დევნილთა სააგენტო აქტიურად მუშაობს თბილისში მცხოვრები იძულებით გადაადგილებული ოჯახების განსახლების საკითხზე“, – აღნიშნულია დევნილთა სააგენტოს მიერ გავრცელებულ ინფორმაციაში.
დევნილი მოსახლეობის გრძელვადიანი განსახლების პროგრამის ფარგლებში მთელი ქვეყნის მასშტაბით, ახალ საცხოვრებელს, ჯამში, 13 000 დევნილი ოჯახი მიიღებს.
კომენტარები