თბილისის მერი, კახა კალაძე აზერბაიჯანელ მოსახლეობას ნოვრუზ ბაირამის დღესასწაულს ულოცავს.
„გილოცავთ ნოვრუზ ბაირამს – სიცოცხლის, განახლების, გაზაფხულის, ბუნების გამოღვიძების მშვენიერ დღესასწაულს!
ეს დღე არა მხოლოდ ეთნიკურ აზერბაიჯანელებს, არამედ ყველა იმ ადამიანს ეკუთვნის, ვინც ეთნიკურ და კულტურულ მრავალფეროვნებას აფასებს. თბილისი ხომ სწორედ ასეთი ქალაქია – ხალიჩასავით ჭრელი, მდიდარი თავისი მრავალფეროვნებით და სწორედ ამით უნიკალური. ჩემო მეგობრებო, თანამოქალაქენო და თანამემამულენო, გილოცავთ ამ სახალხო დღესასწაულს! მშვიდობას და კეთილდღეობას გისურვებთ!“, – წერს კახა კალაძე სოციალურ ქსელში.
კომენტარები