ჟურნალისტი ნათია ჭკუასელი და სოფო ჭყონია ერთმანეთს დაუპირისპირდნენ.
“მინდა ახლოს გაგაცნოთ გოჩა შანშაშვილი(ფოტოზე შუაში) ქართველი, რომელიც 22 წელია ბრიტანეთში ცხოვრობს და რომელიც ჩემი ჩასვლიდან სამ დღეში პოლონეთ-უკრაინის საზღვარზე ჩამოვიდა.
უკვე 10 დღეა გოჩას უწყვეტად გადაყავს უკრაინელები მიმღებ ცენტრებში, ძალიან მცირეწლოვანი ბავშვების ოჯახებისთვის ქირაობს სასტუროს, ეხმარება ფულით და ეს ყველაფერი თავისი ხარჯით!
გოჩას საქმით აღტაცებულია მთელი ჩემი გუნდი, რომელსაც პირობითად ჰრებენეს გუნდი ეწოდა და რომელიც აგრძელებს კავშირზე ყოფნას.
მე არ ვიცნობდი გოჩას, ჩაის დალევაც ვერ მოვასწარით ერთად და ბედნიერი ვარ, რომ კიდევ ორ შესანიშნავ სტრაზბურგელ ქართველთან ერთად, ჩემმა პოლონეთში ყოფნამ ასეთი არაჩვეულებრივი ადამიანები მოიზიდა უკრაინელების დასახმარებლად.
არ ვიცი, ვინ დადის მანდ ასეთ მძიმე დროს სელფების გადასაღებად (ციტატა სოფო ჭყონიას პოსტიდან ), მაგრამ რას ქვია ქართველების ჩასვლა არ არის საჭირო?! რას ქვია პოლონელებს დახმარება არ სჭირდებათ?! ძალიან სჭირდებათ! ადამიანები იღლებიან, ფული უთავდებათ და დიდხანს იქ ვერავინ გაჩერდება.
მწვავე, უმწვავესი საჭიროებაა მანქანიანი დამხმარეების, ანუ რასაც მე და ეს სამი ქართველი ვაკეთებდით და გთხოვთ, ვისაც შეგიძლიათ, წადით უკრაინის საზღვარზე პოლონეთში, ოღონდ მანქანით.
მზად ვარ ყველას დავეხმარო დაკვალიანებაში, ვინც შეძლებს ამ რთული საქმის კეთებას, თუნდაც რამდენიმე დღით.
დღეს გოჩას მარიუპოლიდან დევნილები გადაყავდა. ეს იყო უმძმესი დღე! უმძიმესი გამოცდილება. და მადლობა გოჩას ასეთი თავგანწირვისთვის, ასეთი შრომისთვის და თავდადებისთვის.
ფოტოზე ჰრებენის გუნდის სამი წევრი: დომენიკა პასტერსკა(UK-POL), გოჩა შანშაშვილი(UK-GEO)და დენიელ ბავეტა(UK).”-დაწერა ჭკუასელმა.
პოსტს გამოეხმაურა სოფო ჭყონია.
“ნათია ჩემს “ციტატებში” ეს ხალხი ამოიკითხე?” – დაწერა კომენტარებში ჭყონიამ.