ქართველი ოლიმპიური ჩემპიონი ლუკა კურტანიძე “ჯორჯიან თაიმსის” გადაცემაში “ჩაი” სტუმრობისას აცხადებს, რომ ის ნიკა მელიას, როგორც პოლიტიკურ მოწინააღმდეგეს პატივს სცემს.
მისივე თქმით, გუბაზ სანიკიძე, რომელიც წარსულში საქართველოს ყოფილი პრეზიდენტის ერთ-ერთი მოწინააღმდეგე იყო, დღეს, სწორედ ის არის მიხეილ სააკაშვილის დამცველი, რაც კურტანიძის თქმით, სრული “მარაზმია.”
“გაოგნებული ვარ, ამას იმიტომ ვამბობ, რომ საზოგადოებამ არ უნდა დაუშვას ისეთი რამ, რომ გუბაზ სანიკიძე, რომელიც “ეროვნული ფორუმის”, ასე ვთქვათ, ლიდერი იყო და სააკაშვილთან დაპირისპირებული იყო, დღეს, ნიკა მელიას ეჯიბრება მის ერთგულებაში. ეს არის მარაზმი. ასე არ შეიძლება, ადამიანები რომლებიც სანიკიძის უკან იდგნენ სჯეროდა, რომ ის სააკაშვილს, აი, ამ ტირანს გვერდში არ დაუდგებოდა და მასთან საუბარსაც არ დაიწყებდა.
დღეს კი აი, ასეთი ადამიანი არის სააკაშვილის ერთ-ერთი ისეთი დამცველი, რომ ნიკა მელიას რცხვენია. მე ნიკა მელიას პატივს ვცემ, რადგან ის როგორც მოწინააღმდეგე ერთ პოზიციაზეა,” – განაცხადა ლუკა კურტანიძემ.