“მე ქალბატონი ნინო ბურჯანაძის ისე მჯეროდა, რომ ვიყავი მისი კამიკაძე, თავს გავწირავდი,” – ამის შესახებ ქართველმა ოლიმპიურმა ჩემპიონმა ლუკა კურტანიძემ “ჯორჯიან თაიმსის” გადაცემაში “ჩაი” სტუმრობისას განაცხადა.
“მოგეხსენებათ, მაშინ ორი პოლიტიკური ძალა იყო. “სახალხო ძალასთან” ერთად ეს იყო ქალბატონი ნინო ბურჯანაძე და თემურ შაშიაშვილი. ვფიქრობ, რომ ეს ძველი პოლიტიკა არის, ხოლო ძველ პოლიტიკაში ვგულისხმობ იმას, რომ არიან ძველი პოლიტიკოსები, მაგალითად ნათელაშვილი, ბურჯანაძე, გუბაზ სანიკიძე… დღეს, ჩვენ შეგვიძლია ვნახოთ, თუ რას ლაპარაკობდნენ ერთი წლის წინათ, ან რა პოზიცია ჰქონდათ მათ ათი წლის წინ და როგორი შეუპოვრები იყვნენ. მოდით, ამას პირველად ვიტყვი, მე ქალბატონი ნინო ბურჯანაძის ისე მჯეროდა, რომ ვიყავი მისი კამიკაძე, თავს გავწირავდი. მჯეროდა იმის, რომ სააკაშვილთან, ბოკერიასთან ის ყოველთვის მათი მტერი იქნებოდა და რომ ის ყოველთვის შეურიგებელი იქნებოდა. მე მათი კამიკაძე ვიყავი,” – განაცხადა კურტანიძემ.