ჟურნალისტი ნინო არაზაშვილი სოციალურ ქსელში პოსტს აქვეყნებს.
“მშვიდობიანი მოსახლეობის უმოწყალო ჟლეტა და ფაშისტების სისატიკე ბავშვობას ჩემს კლასელებსაც მოაგონებთ Esma Kopaleishvili და Tamara Gorgadze . ისეთი შემზარავი საერთო მოგონება გვაქვს, მას შემდეგ არასდროს გაგვიხსენებია ერთმანეთისთვის.
მე-9 კლასში ვიქნებოდით სკოლაში რომ შეგვარჩიეს და სპეცპროგრამით გაგვიშვეს პოლონეთში. ყველაზე კოშმარ სიზმრადაც მარტო მე არ მემახსოვრება კრაკოვის ყოფილ საკონცეტრაციო ბანაკში რომ მიგვიყვანეს “ექსკურსიაზე” 🥺.
ჩვენს სიმაღლე ცალ-ცალკე გორებად აეჩონჩხლათ ჩამორთმული სათვალეები, ხელჯოხები, ძალით დაძრობილი კბილის სხვადასხვა მეტალის გვირგვინები, ათი ათასობით თავზე გადაპარსული თმებიც გორებად… უდანაშაულო ადამიანთა ნაშთები სამუზეუმო ექსპონატებად უბარიეროდ ეყარა დარბაზებში, სპეცვიტრინების გარეშე.
ასობით ათასი ნაწამები ადამიანის ნაკვალევზე მიგვიყვანეს გაზის კამერასთან. აბანოს საერთო დარბაზს ჰგავდა და ტყვეებსაც უთუოდ დასაბანად შემოგვყარესო ეგონებოდათ, მაგრამ კარი რომ გადაირაზებოდა წყლის მაგივრად შხაპებიდან გაზს უშვებდნენ. იქვე გვერდით დარბაზში კრემატორიუმის ღუმელებიც გამოგვიღეს და შეგვახედეს.
მერე კი ჩვენი საზარელი წარმოსახვები კინოდარბაზში დოკუმენტური კადრებით განგვიმტკიცეს და გამოგვიშვეს იმ ეზოში, რომელშიც მოგვიანებით სპილბერგმა “შინდლერის სია” გადაიღო.
ასეთი იყო ექსკურსია საბჭოთა მოსწავლეებისთვის კრაკოვის ყოფილ საკონცეტრაციო ბანაკში. 😠
იმ ღამეს პოზნანში გადაგვიყვანეს. ისეთი დასტრესილი და მოკუნტული შევწექი სასტუმროს ლოგინში, იმ წუთასვე მომწყდა თავი, რომ ძილში გადავკარგულიყავი.
15 წუთში ეზოდან გუნდა მოარტყეს ჩემს ფანჯარას თოვლის მოსვლით გახარებულმა ბავშვებმა. ისეთი შევკივლე ახლადგაღვიძებულმა, ხმა დავკარგე და მერე თვეების განმავლობაში ვმკურნალობდი კონსერვატორიის ფონიატრთან. ხმას კი ეშველა, მაგრამ დაღს ჩემს ფსიქიკაზე – ვერა.
ბევრჯერ დამსიზმრებია ეს ცხადად ნანახი კოშმარი ფაშიზმის სისასტიკისა. მთელი ცხოვრება აჩრდილად დამყვება. მაგრამ მე რა მოსატანი ვარ, როცა თანამდროვე სიკვდილის ჯარისკების სამიზნეში ხალხი დღეს ისევ ტყვიებისა და ჭურვების სეტყვაშია 😰😰😰.
დიდება თავისუფლებისათვის მებრძოლ გმირებს!
დიდება ქართველ გმირებს!
დიდება საქართველოს!
#SlavaUkraini”