2007 წლის შვიდი ნოემბრის საქმეზე საქალაქო სასამართლოში ვასილ მაღლაფერიძე მოწმის სტატუსით დაიკითხა, რომელიც 2007 წელს მცხეთა-მთიანეთის გუბერნატორი იყო. მაღლაფერიძემ მაშინდელი შს მინისტრის კაბინეტში გამართული თათბირი გაიხსენა. როგორც მაღლაფერიძე იხსენებს, ვანო მერაბიშვილის კაბინეტში გამართულ თათბირს მაშინდელი მაღალჩინოსნები: დათა ახალაია ზურაბ ადეიშვილი და დავით კეზერაშვილი ესწრებოდნენ:
“ვანო რაღაც თქვა, ბოლო პერიოდში, ოპოზიცია ძალიან “გაბლატავდა”, ოთხი წლის განმავლობაში ჩვენ რაც ნაბიჯ-ნაბიჯ მოვიპოვეთ, ამათ უნდათ რომ ორ-სამ დღეში წაიღონ. ასე არ გამოვა ეს ამბავი, კუდ-ს აქვს ეს ამბავი უკვე დავალებული, მართალია ბევრი ხალხი არ ჩამოვიდა, მაგრამ არც ერთი ადამიანი არ უნდა წავიდეს გაულახავი, აქ არის გენერალური პროკურორი და ნებართვას გვაძელევსო. ზურაბ ადეიშვილს გაეცინა და ხუმრობით თქვა – მე არაფერი არ ვიცი და არ მესმისო, ჩემს აზრს ბოლოს გეტყვითო. თქვენ გყავთ უამრავი ნაცნობი სპორტსმენი, მომღერალი, ზოგი დააშინეთ, ზოგი მოისყიდეთ, აქ არის კეზერაშვილი, არიან ბიზნესმენები, რომლებიც ეპარქიებს აფინანსებენ რომ მღვდლებმა სისულელეები არ თქვანო, უთხარით, რომ ამას კეზერაშვილი მიხედავსო”,- განაცხადა მაღლაფერიძემ.