„მსგავსი განცხადებები მოკლებულია ყოველგვარ საფუძველსა და ლოგიკას, თუნდაც იმ მიზეზის გამო, რომ „საქართველო რუსეთთან ომის მდგომარეობაშია, სულ მცირე, 30 წელიწადი და თუ ვინმეს ჰგონია, რომ საქართველოს ხელისუფლება, იმ შესაძლებლობების ფარგლებში, რომელიც მას აქვს, მაქსიმუმს არ აკეთებს (და იმ ქვეყნებზე მეტს, რომლებიც არ დგანან რუსული ავტომატის სამიზნის ქვეშ) ძალიან ცდება“, – ასე ეხმიანება ექსპერტი გია გაბრიჭიძე უკრაინის თავდაცვისა და უშიშროების საბჭოს მდივანი ალექსეი დანილოვის განცხადებას, საქართველოს საომარ მოქმედებებში ჩართვის შესახებ.
როგორც გაბრიჭიძე წერს, საქართველოს დახმარება გაცილებით დიდია, ვიდრე იმ ქვეყნებისა, რომლებიც ნატოს საფარქვეშ არიან, მაგრამ ბოლომდე არ გაჰყავთ საკუთარი კომპანიები რუსეთიდან.
„უკრაინის თავდაცვისა და უშიშროების საბჭოს მდივანი ალექსეი დანილოვი – თუ დნესტრისპირეთი და საქართველო, დღეს ყველანი დაკავებულნი იქნებიან თავიანთი ტერიტორიების დაბრუნებით, უფრო მეტიც, პოლონეთს ჯერ ოფიციალურად არ გამოუთქვამს პრეტენზია კალინინგრადის რეგიონზე, ეს აუცილებლად დაგვეხმარება, რადგან რუსებს ექნებათ რაიმე გასაკეთებელი გარდა ჩვენი ქალაქებისა და სოფლების განადგურებისა, ჩვენი ბავშვებისა და ქალების მკვლელობისა. რბილად რომ ვთქვა, საქართველო რუსეთთან ომის მდგომარეობაშია, სულ მცირე, 30 წელიწადი და თუ ვინმეს ჰგონია, რომ საქართველოს ხელისუფლება, იმ შესაძლებლობების ფარგლებში, რომელიც მას აქვს, მაქსიმუმს არ აკეთებს (და იმ ქვეყნებზე მეტს, რომლებიც არ დგანან რუსული ავტომატის სამიზნის ქვეშ) ძალიან ცდება. საქართველოს დახმარება გაცილებით უფრო დიდია, ვიდრე იმ ქვეყნების, რომლებიც ნატოს საფარქვეშ იმყოფებიან, მაგრამ ბოლომდე არ გაჰყავთ საკუთარი კომპანიები რუსეთიდან და არ გაუწყვეტიათ დიპლომატიური ურთიერთობები“, – წერს გაბრიჭიძე Facebook-ზე.