თბილისში, საწვავის გაიაფების მოთხოვნით, მოქალაქეთა ნაწილმა აქცია-მსვლელობა მოაწყო. ისინი რუსთაველზე, პარლამენტის შენობასთან შეიკრიბენ, რის შემდეგაც, მსვლელობით, გმირთა მოედანთან გადაინაცვლეს და ესტაკადაზე შესასვლელი გზა საკუთარი ავტომობილებით ჩაკეტეს. ამას ავტომობილში მყოფი რამდენიმე მძღოლის უკმაყოფილება და ხმაური მოჰყვა.
აქციის მონაწილეთა განცხადებით, საწვავზე აქციზის გადასახადის გაუქმება და დღგ-ს გადასახადის მცურავ რეჟიმზე გადაყვანა საწვავის ფასს გააიაფებს.
„პროტესტი საწვავის ფასს!“, „პროტესტი გაძვირებულ ცხოვრებას!“ – სკანდირებენ შეკრებილები.
კომენტარები