,,შინ ევროპისკენ“ ასე ჰქვია აქციას, რომელიც დღეს რუსთაველის გამზირზე არის დაგეგმილი და რომლის ორგანიზატორიც ოფიციალურად მოძრაობა ,,სირცხვილიაა“, თუმცა მათ უკან როგორც მმართველი პარტიის წარმომადგენლები ამბობენ, „ნაციონალური მოძრაობა“ და მისი სატელიტი პარტიებია. ამ დროისთვის რუსთაველის გამზირზე აქციისთვის მოსამზადებელი სამუშაოები მიმდინარეობს.
თბილისში დაგეგმილ აქციას წალენჯიხიდან და ზუგდიდიდანაც შეუერთდებიან. მუნიციპალიტეტებიდან თბილისამდე ტრანსპორტირება სპეციალური ავტობუსებით მოხდება, რომელიც პარტია „ლელომ“ უზრუნველყო. აქციას შეუერთდებიან ბათუმიდანაც.
დღევანდელ შეკრებას წინ უძღოდა პოლიტიკოსების რეგიონებში სიარული. პარალელურად ისმის პოლიტიკური მოწოდებები – პრემიერის გადადგომა და ტექნიკური მთავრობის შექმნა.
კომენტარები