თეონა აქუბარდია „სტრატეგია აღმაშენებლიდან“ წასვლის მიზეზებზე საუბრობს. მისი თქმით, მასა და პარტიის წევრებს შორის გარკვეულ საკითხებზე განსხვავებული პოზიციები არსებობდა.
“არსებობდა განსხვავებული პოზიციები, მათ შორის საპარლამენტო მუშაობის ტაქტიკასთან დაკავშირებით. ეს არ არის ემოციურ ფონზე მიღებული გადაწყვეტილება. მე მაქვს განსხვავებული პოზიცია პარლამენტში მუშაობასთან, მათ შორის 12 რეკომენდაციაზე მუშაობასთან დაკავშირებით”, – აღნიშნა აქუბარდიამ.
მისივე თქმით, განსხვავებული პოზიციების მიუხედავად, მიზანი არის საერთო – ქვეყნის ევროპული მომავალი.
“წარმატებებს ვუსურვებ „სტრატეგია აღმაშენებელს“. პარტიიდან ჩემი წამოსვლა არ შეგვიქმნის დაბრკოლებებს არც მე და არც „სტრატეგია აღმაშენებელს“, მათ შორის იმ მიზანთან მიმართებით, რომელსაც ჰქვია ქვეყნის ევროპული მომავალი”, – განაცხადა თეონა აქუბარდიამ.