საპარლამენტო უმრავლესობის წევრი, გია ცაგარეიშვილი მესამე სექტორის წევრების შეკრებას გამოეხმაურა, რომლებმაც შეკრების დროს რუსულ ფულზე, პოლიტიკურ პარტიებსა და დაფინასნების წყაროებზე იმსჯელეს.
„ფულს სუნი არ ასდისო, ამ ქალბატონებს სავარაუდოდ ეს ნათქვამი არც გაუგიათ. ეს არის ორმაგი სტანდარტის, შერჩევითი მსჯელობის კლასიკური მაგალითი, როცა სხვის თვალში ბეწვსაც ამჩნევ და შენს თვალში დიდი დირე რომ გაქვს არ გინდა ის შეამჩნიო“, – განაცხადა გია ცაგარეიშვილმა.
მესამე სექტორის წევრები შეიკრიბნენ, რუსულ ფულზე, პოლიტიკურ პარტიებსა და დაფინასნების წყაროებზე იმსჯელეს, თუმცა ელენე ხოშტარია მათ კვლევაში არ მოხვდა. რუსეთიდან დაფინანსება თავად ხოშტარიამ აღიარა, თუმცა არ აღიარებენ არასამთავრობო ორგანიზაციები. ნაწილმა თქვა რომ ინფრომაცია არ აქვს, ნაწილმა კი თავი იმით იმართლა რომ ხოშტარიას რუსული რუბლები პირადი ფულია და არა პარტიის დაფინანსება.