აკაკი ბობოხიძის შეფასება მისი შეფასებაა. ის იყო ხელისუფლების ნაწილი და უკეთ იცის, რას საუბრობს, – ასე გამოეხმაურა “ნაციონალური მოძრაობის” თავმჯდომარე, ნიკა მელია პარტიის ყოფილი წევრის, აკაკი ბობოხიძის განცხადებას იმის შესახებ, რომ ხელისუფლებაში “ნაცმოძრაობის” ყოფნის დროს ავტორიტარიზმი იყო.
მელიას თქმით, გადაცდომები იყო და მათზე სააკაშვილიც და თვითონაც ხშირად საუბრობდნენ.
„აკაკი ბობოხიძეს აქვს საკუთარი მოსაზრება. „ნაციონალური მოძრაობის“ მმართველობის დროს მიხეილ სააკაშვილს არაერთხელ განუცხადებია, რომ არ იყო საკმარისი კონტროლის მექანიზმი ძალოვან სტრუქტურებზე, მიუხედავად უზარმაზარი წარმატებებისა, მიუხედავად არაერთი გიგანტური ნაბიჯის გადადგმისა განვითარებისკენ, მიუხედავად იმისა, რომ საერთაშორისო ფუნქცია შეიძინა ქვეყანამ. მაგრამ ბუნებრივია იყო გადაცდომები, ამაზე საუბრობდა მიხეილ სააკაშვილი, ამაზე ვსაუბრობდი მეც. კონკრეტულად აკაკი ბობოხიძის შეფასება მისი შეფასებაა. ის იყო ხელისუფლების ნაწილი და უკეთ იცის, რას საუბრობს“, – ამბობს მელია.