რუსეთს ამერიკელი პატიმრის, პოლ უელანის ხანგოშვილის მკვლელში გაცვლა სურს – ამის შესახებ Reuters წერს. მედიასაშუალება წყაროზე დაყრდნობით აღნიშნავს, რომ მოსკოვი პატიმრების გაცვლის შეთანხმების ფარგლებში მუშაობს, რათა ფედერალური უსაფრთხოების სამსახურის ყოფილი თანამშრომელი, ვადიმ კრასიკოვი გაათავისუფლონ.
გრაინერისა და ბუტის გაცვლის შემდეგ, რუსეთის პრეზიდენტმა, ვლადიმირ პუტინმა თქვა, რომ ვაშინგტონსა და მოსკოვს შორის, შესაძლოა, პატიმრების მორიგი გაცვლაც შედგეს.
პატიმრების გაცვლის საკითხზე მორიგი შეხვედრა აშშ-სა და რუსეთის წარმომადგენლებს შორის შესაძლოა მიმდინარე კვირას გაიმართოს.
კომენტარები