თიანეთსა და ყაზბეგში დიალიზის სერვისი ამოქმედდა. თიანეთის რეგიონული ჯანდაცვის ცენტრის სამედიცინო დაწესებულებამ პირველი პაციენტი უკვე მიიღო. ამ დრომდე ჰემოდიალიზზე დამოკიდებულ პირებს, პროცედურის ჩასატარებლად, კვირაში რამდენჯერმე თბილისში ჩასვლა უწევდათ. თიანეთის კლინიკაში არსებულ პირობებს და პერსონალის საჭიროებებს ადგილზე გაეცნო ჯანდაცვის მინისტრი ზურაბ აზარაშვილი.
მინისტრის თქმით, ჯანდაცვის სამინისტროს მთავარი პრიორიტეტია მოქალაქეებზე ზრუნვა, მათთვის ხელმისაწვდომი, ხარისხიანი ჯანდაცვის სერვისების მიწოდება.
„სწორედ აქედან გამომდინარე იყო წლის დასაწყისში რაც დავაანონსეთ, პაციენტებისთვის მათ საცხოვრებელ მისამართთან ახლოს ლოკაციების შექმნა, სადაც დიალეზის სერვისს მიიღებდნენ და დღეს უკვე, წლის ბოლოს ბოლოს ჩვენ შეგვიძლია ვთქვათ, რომ ხუთი ასეთი ცენტრი გავხსენით. მიმდინარე წელს მნიშვნელოვანი ცვლილება მოხდა ჩვენი ამბულატორიებისნაწილში, სადაც ექიმებს, ექთნებსა და სამედიცინო პერსონალს მნიშვნელოვნად გაეზარდათ ხელფასები“, – განაცხადა ზურაბ აზარაშვილმა.