სომეხთა სამოციქულო მართლმადიდებელი წმიდა ეკლესიის კალენდრით, შობის ბრწყინვალე დღესასწაული იწყება 5 იანვარს საღამოს და შუაღამის შემდეგ გრძელდება.
წმინდა დღესასწაულის აღსანიშნავად, საქართველოს სომეხთა ეპარქიის ყველა ეკლესიაში აღევლინება „ჭრაგალუიცისა“ და ნათლისღების საღმრთო ლიტურგია.
6 იანვარს, სადღესასწაულო საღმრთო ლიტურგია 11:00 საათზე თბილისის „სურბ გევორგის“ მთავარ საკათედრო ტაძარში დაიწყება. ლიტურგიის შემდეგ წყლის კურთხევა შესრულდება.
თბილისის „სურბ გევორგის“ მთავარ საკათედრო ტაძარში სადღესასწაულო საღმრთო ლიტურგიას საქართველოს სომეხთა ეპარქიის წინამძღვარი, არქიმანდრიტი კირაკოს დავთიანი აღავლენს.
კომენტარები